INSON – ALLOHNING MO`JIZASDIR

Har bir inson oʻzidagi bir qancha xususiyatlar bilan boshqalardan ajralib turadi. Bu esa uning yer yuzida evolyutsiya yoki tasodif natijasida paydo boʻlib qolmaganiga dalildir. Keling, insonning moʻjizaligi haqida soʻz yuritamiz.

Sizlarga yangi ilmiy xulosalarni taqdim etgim keldi. Bu xulosalar insonning har bir aʼzosi oʻsha insonning oʻziga xos, betakror ekanini, boshqa insonning oʻshanday aʼzosiga aslo oʻxshamasligini taʼkidlaydi. Insonni boshqa insonlardan ajratib turadigan narsa faqatgina barmoq izlari emas. Balki quloq chiziqlari, tildagi chiziqlar, yurishdagi oʻziga xoslik va boshqa aʼzolarning izlari, chiziqlari, shakllari yaratishning oʻta nozikligiga va tasodif degan narsa yoʻqligiga guvohlik beradi.

Evolyutsiya nazariyasi yolgʻon va evolyutsiyachilar yolgʻonchilardir. Buning yolgʻonligiga eng katta dalillardan biri har bir insonning oʻziga xos yaratilgani va uning boshqalarga oʻxshamasligidir. Agar biz evolyutsiya nazariyasiga yoki narsalar tasodifan paydo boʻlib qolgan degan gapga ishonadigan boʻlsak, koʻzimiz bilan koʻrib, qoʻlimiz bilan ushlab turgan haqiqatlardan koʻz yumishimiz kerak boʻladi.

Keling, evolyutsiya nazariyasining yoki tasodifan paydo boʻlib qolgan degan gaplarning yolgʻonligini koʻrsatuvchi dalillarni koʻrib chiqaylik.

Kuloq chiziqlari

Tadqiqotlar shuni koʻrsatdiki, tashqi quloq shakli mutlaqo boshqalarnikiga oʻxshamas ekan. Insonning qulogʻi bemalol barmoq oʻrniga oʻtib, shaxslarni tanib olish belgisi boʻla oladi. Hatto quloq chiziqlari, shakli shaxsni tanib olishning eng afzal yoʻliga aylandi.

Sautgempton universiteti xulosasiga koʻra, insonning tashqi quloq shaklini barmoq izlari kabi suratga olinsa, 99.6 foizga bir insonning qulogʻi boshqanikiga oʻxshamagan holda tasviri paydo boʻlar ekan.

Koʻzdagi oʻziga xoslik

Bir insondagi koʻz qorachigʻining shakli boshqa insonnikidan farq qilar ekan. Hatto bir-biriga ikki tomchi suvdek oʻxshash boʻlgan egizaklarda xam shunday ekan. Shuning uchun ham biz ishonch bilan aytamizki,yer yuzidagi har bir insonning koʻz tuzilishi boshqalarnikidan farq qiliadi. Koʻzlarning betakror, oʻziga xos ekani inson tasodifan paydo boʻlib qolmaganiga, balki Buyuk Yaratuvchi tomonidan aniq maqsad bilan yaratilganiga dalildir.

Tildagi chiziqlar

Til yuzasida tarqalgan ushbu nuqtalar oʻzining shakli, hajmi bilan boshqa insonlarning tillaridagi nuqtalardan farq qiladi.

Yurishning oʻziga xosligi

Shaxslarning yurishlari va harakatlarini oʻrganish ularni koʻplab odamlar orasidan tanib olishga yordam beradi. Shuning uchun ayta olamizki, har bir inson oʻziga xos tarzda yuradi va qadam tashlashi bilan boshqalardan ajralib turadi. Bu nafaqat har bir inson, balki insondagi har bir aʼzo, boʻgʻimlar, suyaklar ham boshqa insonlarnikiga oʻxshamaydigan qilib yaratilgani sabablidir.

Shunday qilib, biz, insonlarda milliardlab hid bor.

Shuningdek, har bir insonning oʻzigagina xos boʻlgan yana koʻplab izlari bor. Masalan, miya izi, miyadan tara ladigan elektromagnit toʻlqinlari, yurakning izlari, urishi, tomirlardagi izlar (har bir insonning tomiri oʻziga xos tarzda yaratilgan) va boshqa aʼzolarda oʻziga xos izlar boʻlib, inson shu izlari bilan boshqa insonlardan farq qiladi.

Bu Allohning moʻjizasidir! Insonning har bir aʼzosini, ularning izlarini, hidlarini Alloh taolo turlicha qilib yaratgan. Alloh taolo Qurʼoni Karimda barmoq izlari haqida shunday degan:

﴿أَيَحْسَبُ الْإِنْسَانُ أَلَّنْ نَجْمَعَ عِظَامَهُ﴾ ﴿ بَلَىٰ قَٰدِرِينَ عَلَىٰٓ أَن نُّسَوِّىَ بَنَانَهُۥ﴾

“(Kofir) Inson Bizni uning suyaklarini jamlay olmas, deb oʻylarmi? Ha, Biz uning barmoq uchlarini ham asl holiga keltirishga qodirmiz”, 

Qiyomat surasi, 3-4-oyatlar.

Har bir insonni o`ziga xos, boshqa insonlarga o`xshamaydigan, betakror qilib yaratgan va uni maxluqotlarning gultoji qilib qo`ygan Alloh taologa cheksiz hamdu sanolar bo`lsin!

“Allohning mo`jizalari” kitobi asosida tayyorlandi.

TO`LQIN domla Allaberganov
Imom Faxriddin ar-Roziy islom bilim yurti mudarrisi.