Мактуб

Бисмиллаҳир роҳманир роҳийм

Мактуб

Оламларга раҳмат бўлган суюклигим, Пайғамбарим Муҳаммад Мустафо (с.а.в)га.

Ассалому алейкум ва роҳматуллоҳи ва барокатуҳ, я Расулаллоҳ.

Мен сиздан кейин бир неча асрлар ўтганидан кейин мусулмонлар заифлашиб қолган, гуноҳ қилиш осонлашган, амалларга риё аралашган, инсонлар гўё охиратни унутган бир замонда дунёга келдим ва яшаяпман, Алҳамдулиллаҳ.

Эй Расулуллоҳ сиз бизга энг тўғри йўлни кўрсатдингиз, бизга суннатларни қолдириб кетдингиз. Аммо биз, сизнинг умматларингиз, кўпинча у суннатларга амал қилишда ортда қолмоқдамиз. Тилимизда Қуръон ва Ҳадис, аммо ҳаётимизда уларнинг амали суст. Яхшиликка чақирамиз, ёмонликдан қайтарамиз, лекин ўзимизнинг ҳолимиз кўп жойда яхши эмас.

Я Расулуллоҳ сизнинг сийратингизни ўрганар эканман, қалбим сизга бўлган муҳаббат билан тўлиб бормоқда. Сизни кўпроқ таний борганим сари, сизга бўлган муҳаббатим чексиз кучаймоқда. Сизни Абу Бакр (р.а) сингари чин дилдан севишни, Умар (р.а)дек қатъият билан йўлингизда туришни, Усмон (р.а) каби саховатли бўлишни, Алий (р.а)дек шижоатда собит бўлишни истайман.

Я Расулуллоҳ  бир марта сизни кўрсам эдим дунёдаги энг бахтиёр инсон мен бўлар эдим. Ўша кўрган онимда менга яхшилик билан насиҳат қилсангиз эди бир умр шу насиҳатингиз асосида яшар эдим.

Я Росулуллоҳ мен сизга мос уммат бўла олмаяпман сизни суннатингизни маҳкам ушлай олмаяпман бунинг учун мени кечиринг. Ин шаа Аллоҳ сизни суннатингизни маҳкам ушлайдиганлардан сизни суннатингизни коп инсонларга етишида хизмат қиламан.

Қанийди Я Росулуллоҳ қиёмат кунида бутун Уммат йиғилган пайтда мани исмим билан  чақирсангиз, сиз билан бирга жаннатларни кезсам қўлингиздан сувлар ичсам дейман Я Росулуллоҳ!

Сизни ўзиданда кўпроқ севувчи Раҳматуллоҳ

Маҳмуджанов Раҳматуллоҳ 2- босқич талабаси