20.05.2022

“Imom Faxriddin ar-Roziy” o’rta maxsus islom bilim yurtida “Voyaga yetmagan va yoshlar o’rtasida axborot maxsulotlarini mustaqil va mas’uliyat bilan qabul qilish ko’nikmalarini shakllantirish” mavzusida tadbir bo’lib o’tdi.

2022 yil 20 may kuni Urganch tuman “Imom Faxriddin ar-Roziy” o’rta maxsus islom bilim yurtida  “Voyaga yetmagan va yoshlar o’rtasida axborot maxsulotlarini mustaqil va mas’uliyat bilan qabul qilish ko’nikmalarini shakllantirish” mavzusida tadbir bo’lib o’tdi. 

Tadbirda U.Raximov tadbirni ochib berib, Islom dinida farzand tarbiyasiga juda katta e’tibor berilganligini ta’kidlab, bu borada Qur’oni karimda hamda Payg’ambarimiz Muhammad (s.a.v.)ning hadisi shariflarida ko’plab ma’lumotlar keltirilganligi aytib o’tdi. Tarbiyani farzandlar ma’lum bir yoshga yetganlaridan keyin emas, balki ular tug’ilishlaridan ancha oldindan, ya’ni o’ziga munosib taqvoli ayol topib uylanishdan, oila nafaqasini haloldan ta’minlashidan boshlash kerakligini misollar bilan tushuntirib berdi.

Shundan so’ng E.Sapayev bugungi  kunda Voyaga yetmaganlar uchun internetdagi xafv-xatarlar qatorida, birinchi o'rinda, suitsidni ajratish lozim. Bunday saytlarda bolalar hayotni tark etish usullari haqida axborot olishadi. Keyingisi, narkosaytlar, pornografik yo'nalishdagi saytlar, milliy nizo va irqiy ajratishni keltirib chiqaruvchi, rahmsizlik va zo'rlashni targ'ib qiluvchi saytlar shuningdek, sektalar va shunga o'xshash tanishuv saytlari va boshqalar.Bundan tashqari, o'smirlar  o’rasida kompyuter va internetga tobelik, kompyuter o'yinlariga beriluvchanlik (igromaniya), kiberbulling (internetdagi zaharlash) kabilar uchramoqda. Bularning hammasi bolalar tarbiyasiga mas'ul bo'lgan davlat va jamoat tashkilotlari, "Kamolot" yoshlar ijtimoiy harakati, Ma'naviyat targ'ibot markazi, barcha ta'lim muassasalari, mahalla, ota-onalarni, umuman, barchamizni befarq qoldirmaydi. Ayniqsa, yovuz kuchlar internetdan fahsh, giyohvandlik va zo'ravonlik, terrorizm, fashizm, natsizm va shovinizm kabi balo-qazolarni tarqatish vositasi sifatida foydalanayotgani, buni yoshlarga to'g'ri tushuntirish, targ'ibot ishlarini olib borishga alohida mas'uliyat bilan yondashishni talab etadi.

Imom Faxriddin ar-Roziy islom bilim yurti matbuot xizmati

Izoh qoldirish

Izohlar