IMOM FAXRIDDIN AR-ROZIY OʻRTA MAXSUS ISLOM BILIM YURTIDA TAʼLIM JARAYONI OʻRGANILDI

🔹 Bugun 20-Oktyabr kuni Urganch tuman Imom Faxriddin ar-Roziy oʻrta maxsus islom bilim yurtiga Oʻzbekiston Respublikasi Din ishlari boʻyicha qoʻmitaning Diniy maʼrifiy tashkilotlar va ilmiy markazlar faoliyatini muvofiqlashtirish boshqarmasi bosh mutaxassisi Z.Sultanov hamda Oʻzbekiston musulmonlari idorasi Taʼlim va ilmiy-tadqiqot boʻlimi mudir oʻrinbosari A.Doʻstmatov tashrif buyurishdi.

🔹 Mehmonlar bevosita taʼlim jarayoni bilan tanishish maqsadida darsxonalariga kirib, bilim yurtida oʻqituvchi va talabalar uchun yaratilgan shart-sharoitlarni oʻrgandi. Shuningdek bilim yurtida faoliyat yuritayotgan mudarrislar va taʼlim olayotgan talabalar bilan suhbatlashib, ularning taklif va tavsiyalarini eshitdi.

🔹 Tashrif davomida bilim yurti oʻqituvchilari va talabalari ishtirokida davra suhbati tashkil etilib, uni bilim yurti mudiri D.Abduqodirov kirish soʻz bilan ochib berdi. 

🔹 Soʻng tashrif buyurgan mehmonlar soʻzga chiqib, davlatimiz tomonidan diniy sohada amalga oshirilayotgan islohatlarning mazmun-mohiyati, dunyoda yuz berayotgan siyosiy voqealar, tinchlik va osoyishtalikning qadriga yetish, yaratilgan imkoniyatlardan unumli foydalanish, vaqtni qadrlash, neʼmatlar uchun shukrona keltirish, ilm olishning fazli va xalqimizni yot gʻoyalardan hamda har xil fitnalardan asrab-avaylash uchun kuchli bilimga ega boʻlish, bunda ilmni diniy yoki dunyoviy deb ajratmasdan, har sohada yetuk mutaxassis boʻlib yetishish zarurligi haqida aytib oʻtdilar.

🔆 Tadbir soʻngida Imom Faxriddin ar-Roziy o'rta-maxsus bilim yurti 1-kurs talabasi Ahmadxo'jayev Muhammadamin Qur'on Karimni bir o'tirishda o'qib berganligi munosabati bilan Umra yo'llanmasi bilan;

🔅 3-kurs talabasi Erkaboyev Daurxon Qur'on Karimni to'liq yod olganligi uchun Faxriy yorliq bilan;

🔅 3-kurs Qabulov Fazliddin Qur'on Karimni to'liq yod olganligi uchun Faxriy yorliq bilan;

🔅 4-kurs talabasi Kromiddinov Ahliddin "Men radikalizmga qarshiman" tanlovida eng namunali insho yozganligi uchun 1-o'rin Faxriy yorlig'i bilan taqdirlandilar.

✅ Shuningdek mehmonlar bilim yurti ustozlari va talabalari haqiga xayrli duolar qildilar.

💻 Imom Faxriddin ar-Roziy o'rta maxsus islom bilim yurti matbuot xizmati