УЗ
РУ
EN
العربية
Qachon biringiz namozda o‘tirsa...
Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
344. Abdulloh ibn Mas’ud roziyallohu anhudan rivoyat qilinadi:
«Rasululloh sollallohu alayhi vasallam menga tashahhudni kaftlarim kaftlari orasida turganda xuddi Qur’onni ta’lim bergandek o‘rgatdilar: «At-tahiyyaatu lillaahi vas-solavaatu vat-toyyibaatu, as-salaamu alayka ayyuhan-nabiyyu va rohmatullohi va barakaatuhu, as-salaamu alayna va alaa ibaadillaahis-solihiyn. Ashhadu allaa ilaaha illalohu va ashhadu anna Muhammadan abduhu va Rasuluhu».
Buxoriy va Muslim rivoyat qilishgan.
Boshqa rivoyatda:
«Nabiy sollallohu alayhi vasallam aytdilar: «Bas, qachon biringiz namozda o‘tirsa: «At-Tahiyyaatu lillaahi...» deb zikr qildi. So‘ng «ibodillohis-solihiyn»ni zikr qilganda: «Agar shuni aytsa, Allohning osmonu yerdagi har bir bandasiga aytgan bo‘ladi»ni va oxirida: «So‘ngra nimani xohlasa, shuni so‘rashni ixtiyor qilsin»ni ziyoda qildi.
Buxoriy va Muslim rivoyat qilishgan.
345. Aliy ibn Abdurrohman Muoviyyidan rivoyat qilinadi:
«Abdulloh ibn Umar mening namozda mayda toshlarni o‘ynayotganimni ko‘rdi. Namozni tugatganda meni bundan qaytardi va: «Rasululloh sollallohu alayhi vasallam nima qilgan bo‘lsalar, shuni qil», dedi. «Rasululloh sollallohu alayhi vasallam qanday qilar edilar?» dedim. «U zot namozda o‘tirsalar, o‘ng kaftlarini o‘ng sonlari ustiga qo‘yar edilar. Barmoqlarini tugar edilar va bosh barmoqdan keyin keladigani bilan ishora qilar edilar. Chap kaftlarini chap sonlari ustiga qo‘yar edilar», dedi».
Muslim rivoyat qilgan.
346. Sa’d ibn Abu Vaqqos roziyallohu anhudan rivoyat qilinadi:
«Rasululloh sollallohu alayhi vasallamning o‘ng taraflariga va chap taraflariga salom berishlarini ko‘rar edim, hatto yonoqlarining oqi ko‘rinar edi».
Muslim rivoyat qilgan.
«Rasululloh sollallohu alayhi vasallam» kitobidan
Izohlar