OGOH VA HUSHYOR YASHASH DAVR TALABI

         Bugungi  kunda  insoniyat  hayotiga  katta tahdid  solayotgan eng yovuz g‘oyalardan biri ekstremizm va terrorizm hisoblanadi. Ma’lumotlarga ko‘ra hozirda  dunyo  bo‘yicha besh yuzdan  ortiq  terrochi va ekstremistik  tashkilot mavjud.  Bu  tashkilotlar  o‘z  buzg‘unchi  maqsadlarini  amalga oshirish maq-sadida  ko‘plab yoshlar ongini zaxarlab, turli yo‘llar bilan o‘zlariga  ergash-tirmoqda. Bu  borada  ayniqsa  muqaddas dinimiz  tushunchalarini noto‘g‘ri talqin qilish  keng tus olmoqda.Bu xolat esa bizni yanada xushyor va ogoh bo‘lishga chorlaydi shu o‘rinda muqaddas dinimiz ta’limotla-rida ogahlik, xushyorlik va vatanga sadoqat  tushunchalarining  o‘rni  haqida so‘z yuritsak. 

    Vatan muqaddas  dargoh. Uni  himoya qilish , g‘animlar  yomonliklaridan asrash , ravnaqi va farovonligi yo‘lida xizmat qilish dini va e’tiqodidan, millatidan  qat’iy nazar har bir inson uchun ham qarz, ham farz hisoblanadi. Abu Dovuddan rivoyat qilingan hadisi sharifda payg‘ambarimiz Muham-mad  alyhissalom  shunday  marhamat  qiladilar : “ Kimki molini, jonini, dinini  va  ahlini himoya  qilish  yo‘lida halok bo‘lsa  o‘sha  kishi  shahidlik maqomidadir ” .  Hadisda sanab o‘tilgan mol , jon , din va oila kishi hayoti-ning mazmuni, uning vatani  timsolidir. Shariat manbalarida  vatanni hi-moya qilish  farzi ayn, ya’ni barchaga barobar buyurilgan , tark qilingan taq-dirda  gunohi  kabira sanaladigan  amal  hisoblanadi.  Imom  Termiziydan rivoyat qilingan hadisda Payg‘ambar alayhissalom  “ Ikki ko‘z egasini do‘zax olovi  kuydirmaydi. Biri  Allohdan  qo‘rqib   yig‘lagan ko‘z , ikkinchisi Alloh yo‘lida posponlik qilib uxlamagan kishi ”  deb ta’kidladilar. Demak vatan himoyasi  uchun  uxlamasdan posponlik qilgan  ko‘z egasini  do‘zax otashi ham kuydirmas ekan. Vatanni himoya qilish qanchalik ulug‘ va savobli ish sanalsa, unga xiyonat qilish , qurol bilan  o‘z vataniga qarshi chiqish ,  vatanga qarshi fitnalarda  ishtirok etish  shu qadar  katta gunoh , eng oliy  jazoga  loyiq  jinoyat hisoblanadi.  Handaq  jangida Payg‘ambar  alayhissalom  Madinaga bostirib kelgan dushmanlarga xayrixoh bo‘lgan ,  ularga pinhona yordam ber-gan  kishilarga  nisbatan  nihoyatda  qattiq  choralar  ko‘rdilar.  Xiyonatkorlarning  rahbarlari qatl etildi. Ularga  ergashganlar  Madinadan badarg‘a qilindi.

    Payg‘ambarimiz Muhammad alayhissalomning ushbu harakatlaridan ko‘ri-nib  turibdiki , ona  vatan  hech qachon sotilmaydi ,  unga xiyonat ham qilin-maydi. Bunday  xiyonatni  hech qanday diniy va dunyoviy qonun yoki ta’limot oqlay olmaydi. 

Қадамов Сухром
Имом Фахриддин ар-Розий ЎМИБЮ мудир муовини